Weihnachtsgedicht

Wow, scho wieder Dezember?!
Das Jahr isch jetzt aber schnell umegange.
Es schmöckt nach Schnee. Hoffentlich bliibt er das Jahr au ligge.
Cool, hüt Abig gits en Apéro. Ich liebe d Adventsziit,
Wiehnachtsmusig lose, Licheterchetti, Zimetschnegge und Wiehnachsmärt.
Mit Punsch und Glüehwii gmüetlich „Drei Nüsse für Aschenbrödel“ luege.
Aber zerscht namal wege de Nüsslischale alles staubsuuge.
Dasmal, machi gaaanz vil Guetzlisorte. Ach shit, kei Mehl meh!
Meiländerli langet ja eigentlich, isch eh nöd gsund. Ha zvil Teig gesse.
Nach dere Wiehnacht issi kei Zucker meh.
Wieso regnets jetzt scho wider? Was chochemer eigentlich am 24.?
Mmmhh Manderindli Duft. Kerze aazünde. Wachs vom Chuchitisch chratze.
Namal en Apéro. Nächscht Monet machi en Dry January!
Wieso schneits eigentlich nöd?! Wer het d Baumschoggi jetzt scho gässe??
Wo isch eigentli d Chischte mit em Baumschmuck?
Chum mir schänked änand nüüt. Ok, aber nur öppis chliises.
Ich mach alli Gschänkli sälber das Jahr. Was chönti ächt baschtle?
Im Internet go inspieriere la. Was?! scho wider 12i Znacht?
Den gits halt doch en Guetschi. Nächscht Jahr fangi bitzli frühner a.
Immer isch es grau verusse und scho wieder isch es dunkel.
Hämmer no irgendwo Kerzli für de Baum? Scho wieder en Apéro?!?

Rotwiiflecke ufem wiise Tischtuech. Pass uf! De Adventschranz fangt Füür!
Ich bin froh wenns dure isch. Proscht.

Schöni Wiehnachte

Unsere mit viel Liebe gestalteten A6 Postkarten werden in der Schweiz auf griffigem FSC-zertifiziertem Papier gedruckt.

Auf der Rückseite befindet sich ein kleines Waldgräfin-Logo

Für Händler: 1 Verkaufseinheit = 10 Stück